खालील उतारा काळजीपूर्वक वाचा व त्याखालील प्रश्नांच्या उत्तरांचा योग्य पर्याय निवडा: एका सुंदर नदीकाठी ऋषीमुनींचा आश्रम होता. आश्रमात अनेक विद्यार्थी गुरुंजवळ वेदाध्ययन करत असत. दररोज सकाळी गुरुंच्या पर्णकुटीतून स्वाहा स्वाहाचा घोष ऐकू येत असे. त्याचबरोबर आंतरिक पापांना धुणाऱ्या सुवासिक धुरांची वलये आकाशात जाताना दिसत असत. रोज सकाळी आश्रमातल्या वृक्षांवर झोके घेणाऱ्या पक्ष्यांच्या किलबिलाटानी आश्रमाचा आसमंत भरून जात असे. रोज सकाळी काही शिष्य वेदोच्चार करत असत तर काही वृक्षांना पाणी घालत असत. काही शिष्य अर्ध्य देण्यासाठी फुले वेचत असत. काही आश्रमातले रस्ते साफ करत असत. कोणी एखादा झाडाच्या फांदीवर कपडे वाळत घालताना दिसे. दुसरा एखादा वृक्षांच्या सावलीत ध्यानमग्न झालेला दिसे. रोज सकाळी ऋषीपत्नी पर्णकुटीच्या पडवीत बसून पाडसांना दर्भ व दुर्वांचा चारा भरवत ती पाडसेही तिथे मजेत बागडत असत.